Om Sel historielag

Vedtekter for Sel Historielag

Vedtekter for Sel Historielag

Vedtatt på stiftingsmøte 19. februar 1988, sist revidert 5.mars 2024


§ 1
Føremål
Laget har til føremål å vekkje interesse og skapa forståing for bygdehistoria i Sel.
Det vil arbeide for å utbreie kjennskap til kulturarven vår og verne kulturminne av alle slag i bygda.

§ 2
Medlemskap
Alle som vil støtte eller arbeide for føremålet til laget, kan bli medlem ved å betale årskontingent. Kontingenten blir fastsett av årsmøtet. Livsvarig medlemskap kan ein teikne ved å betale ein kontingent som er 10 gonger høgare enn årskontingenten.
Historielaget skal stå tilslutta Gudbrandsdal Historielag.

§ 3
Årsmøtet
Årsmøtet er det høgste organ for laget og skal haldast i perioda januar-mars. Det blir annonsert av styret med minst 14 dagars varsel. På årsmøtet skal styret legge fram revidert regnskap, årsmelding, budsjett og arbeidsprogram for året som kjem. Årsmøtet er vedtaksført når minst 10 av medlemmane er tilstade. Årsmøtet skal velje ei valnemnd på tre personar.

Stemmerett på årsmøtet har dei som har betalt kontingent siste kalenderår før årsmøteavvikling.
Ved lovendring blir det kravd 2/3 fleirtal. Dersom styret eller 1/3 av medlemmane finn det nødvendig, kan det bli aktuelt med ekstraordinært årsmøte.

§ 4
Styret
Styret består av 5 medlemmar med 2 varamedlemmar. Varamedlemmane blir valt for eitt år, og styremedlemmane og leiar blir valde for to år om gongen. 2 styremedlemmar er på val kvart år. Leiar blir valt på årsmøtet for ei periode på 2 år medan styret vel nestleiar, sekretær og kasserar. Årsmøtet skal og velje to revisorar. Styret kan bruka utval til å ta seg av særskilte arbeidsoppgåver.

§ 5

Signering

Lagets signatur teiknast av laget sin leiar + eit styremedlem i fellesskap.

§ 6

Æresmedlemskap i Sel Historielag

Æresmedlemskap kan tildelast personar som har gjort særskilt fortenestefullt arbeid i Sel Historielag eller med dokumentasjon og formidling av vår lokalhistorie og kulturarv. Æresmedlemmer blir utnemnd av styret. Æresmedlemskapet blir tildelt ved overrekking av diplom.  Æresmedlemmene betaler ikkje kontingent, og går gratis på møter og arrangement som Sel Historielag inviterer til.

§ 7
Oppløysing
Vedtak om oppløysing av laget kan berre verta gjort på årsmøtet og krev 2/3 fleirtal. Vert laget oppløyst skal det laget eig forvarast i Sel av Sel kommune til nytt lag kjem i gang etter likelydande vedtekter.